बर्दिया — लागूऔषध मुद्दामा फरार एक जना प्रतिवादीलाई प्रहरीले पक्राउ गरेको छ । जिल्ला अदालत, बर्दियाको गत भदौ २४ गतेको फैसलाले उक्त मुद्दामा नौ महिना १० दिन कैद र ५ हजार जरिवाना भई फरार प्रतिवादी मधुवन नगरपालिका–६ लालीबजारका ३७ वर्षीय हसन अन्सारीलाई आफ्नै घरमा लुकीछिपी बसेको अवस्थामा प्रहरीले आइतबार पक्राउ गरेको हो ।
जिल्ला प्रहरी कार्यालय, बर्दियाका सूचना अधिकारी एवं डीएसपी ऋषिराम घर्तीमगरले पक्राउ परेका अन्सारीलाई आवश्यक कारबाहीका लागि अदालतमा पेस गरेको जनाएको छ ।
