दाङ — स्कुल बसको ठक्करबाट मोटरसाइकल चालकको मृत्यु भएपछि मंगलबार साँझदेखि अवरुद्ध भएको पूर्व-पश्चिम राजमार्गअन्तर्गत लमही–भालुबाङ सडक खण्ड रातिदेखि खुलेको छ ।
मृतककी श्रीमतीलाई रोजगारी, छोराछोरीलाई १२ कक्षासम्म नि:शुल्क पढाउने र परिवारलाई उचित क्षतिपूर्ति दिने सहमतिपछि सडक खुलेको हो ।
रा १ क १४१८ नम्बरको निजी स्कुलको बसले रा ५ प २६०१ नम्बरको मोटरसाइकललाई मंगलबार साँझ राप्ती गाउँपालिका–८, बिजौरीमा ठक्कर दिंदा मोटरसाइकल चालक स्थानीय ३२ वर्षीय कृष्णबहादुर शाहीको मृत्यु भएको थियो ।
मृत्युपछि उनका आफन्तले क्षतिपूर्तिको माग गर्दै सडक अवरुद्ध गरेका थिए । सोमबार बेलुका पनि उक्त स्थानमा ट्रकको ठक्करबाट एक मोटरसाइकल चालकको मृत्यु भएको थियो ।
उक्त घटनापछि पनि मृतकका आफन्तहरुले मंगलबार दिउँसो सडक अबरुद्ध गरेका थिए । सहमतिपछि सडक खुलाइएको थियो ।
