दाङ — लागूऔषध ब्राउनसुगरसहित मंगलबार बेलुका घोराहीमा एक युवा पक्राउ परेका छन् ।
घोराही उपमहानगरपालिका–१३, बर्मा चोकमा शंकास्पद रुपमा हिँडिरहेका परिवर्तन गाउँपालिका–६, रोल्पाका ३० वर्षीय वीरेन्द्र बुढामगरलाई खानतलासी गर्दा ३ ग्राम ४२० मिलिग्राम ब्राउनसुगर बरामद भएको प्रहरीले जानकारी दिएको छ ।
पाँचवटा पुडिया बनाई धागोले बाँधेर लुकाइराखेको अवस्थामा उक्त ब्राउनसुगर बरामद भएको जिल्ला प्रहरी प्रवक्ता डीएसपी ईश्वर थापाले बताए ।
बुढालाई नियन्त्रणमा राखेर थप अनुसन्धान गरिरहेको उनले जानकारी दिए ।
