शर्माको पुस्तकमाथि दिल्लीमा चर्चा

उनले दक्षिण एसियामा मध्यम वर्गका परिवारका मानिस रोजगारीका लागि विदेसिने विषय र भोगाइलाई आफ्नो उपन्यासमार्फत चित्रण गरेका छन् । दुई वर्षअघि उनले प्रकाशनमा ल्याएको ‘प्रवास’ पुस्तकको अंग्रेजी संस्करण हो ‘वेक अप अली, वेक अप नाउ’ । दिल्लीको भितात्सा प्रकाशनले उक्त पुस्तकको अंग्रेजी संस्करण प्रकाशन गरेको हो । दुई महिना अगाडि मात्र पुस्तकको अंग्रेजी संस्करण प्रकाशन भएको हो ।

सीएनएन न्यूज १८ टेलिभिजनका प्रबन्ध सम्पादक जक्का ज्याकोभले पुस्तकका विषयमा शर्मासँग छलफल गरेका थिए ।

पुस्तकका विषयमा ज्याकोभले राखेका जिज्ञासाको जवाफमा शर्माले पुस्तक नेपाल, भारत र पाकिस्तानबाट रोजगारीका लागि क्यानडा पुगेका पात्रहरूमाथि आधारित रहेको बताए । पुस्तकको मुख्य पात्र भने पाकिस्तानका अलीलाई बनाइको छ । उनी ५० वर्षको उमेरमा पारिवारिक दबाबमा रोजगारीका लागि विदेसिनु परेको र उनलाई क्यानडामा नेपाली युवा रञ्जनले जागिर खोज्न सघाएकोजस्ता कथाको वरिपरी पुस्तक घुमेको छ ।

दक्षिण एसियामै बिदेसिने विषयमा एकै खालका समस्या छन्, त्यही भएर आफूले समग्रमा यो क्षेत्रकै विषयलाई उठान गर्न खोजेको शर्माले बताए ।