नीलमको उपन्यास 'द्रौपदी अवशेष' सार्वजनिक - साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

नीलमको उपन्यास 'द्रौपदी अवशेष' सार्वजनिक 

कान्तिपुर संवाददाता

काठमाडौँ — नीलम कार्की निहारिकाद्वारा लिखित उपन्यास 'द्रौपदी अवशेष' सार्वजनिक भएको छ ।

'द्रौपदी अवशेष' उपन्यासको औपचारिक विमोचन शुक्रबार हुम्लाको नाम्खा गाउँपालिका वडा नम्बर ६ का अध्यक्ष पाल्जोर तामाङलगायत स्थानीयको उपस्थितिमा भएको हो । उपन्यास हुम्लाको उच्च हिमाली भेगको कथामा आधारित रहेको लेखकले बताएकी छिन् । 'द्रौपदी अवशेष' एक सांस्कृतिक उपन्यास भएको प्रकाशकले जनाएको छ ।

उपन्यासका सम्बन्धमा लेखक नीलम भन्छिन् – 'जुन माटोको कथा थियो त्यही लोकार्पण भएकोमा म निकै खुसी छु । स्थानीयको साथ सहयोग यो उपन्यास लेख्ने सन्दर्भमा पनि धेरै पाएको छु, र यसलाई त्यही भूमिमा सार्वजनिक गर्न सहयोग गर्नुहुने सबैमा आभार प्रकट गर्दछु । हुम्लामा हिमपातको कारण मेरा पात्र हुम्लाबाट नेपालगन्जका लागि जहाज चढ्न नसकेको एक दृश्य पुस्तकमा छ । हुम्लामा पानी परिरहेको कारण नेपालगन्जबाट हुम्लाको लागि जहाज नउडेको हुँदा पुस्तक दुई दिन ढिला गरि हुम्ला पुगेको आजको यथार्थ हो । यही यस्तै यथार्थ सँगसँगै समाज अघि बढिरहेको छ । बहुपति प्रथा एक संस्कृति हो । भौगोलिक जटिलतासँग पनि प्रत्यक्ष-परोक्ष सम्बन्ध रहेको छ । यही संस्कृतिलाई आख्यामार्फत पाठकसामु पुर्याौउने मेरो प्रयास हो – द्रौपदी अवशेष ।

प्रकाशित : श्रावण २, २०७८ ११:३१
प्रतिक्रिया
पठाउनुहोस्

३१ वर्षपछि बन्यो सिँचाइ योजना

२०४६ सुरू भएको योजनालाई बजेट नआउँदा अलपत्र परेको थियो
राजबहादुर शाही

मुगु — सोरु गाउँपालिका–४ फोतुमा निर्माण सुरु भएको झन्डै ३१ वर्षपछि सिँचाइ योजना पूरा भएको छ । २०४६ मा ५ हजार रुपैयाँ बजेटबाट सुरु भएको योजनाले यो वर्ष पूर्णता पाएको हो ।

मुगुको सोरु गाउँपालिका–४ फोतुमा ३१ वर्षपछि निर्मित सिँचाइ योजना । तस्बिर : राजबहादुर/कान्तिपुर

तत्कालीन जिल्ला पञ्चायतले ५ हजार रुपैयाँ बजेटबाट योजनाको काम सुरु गरेको थियो । त्यसपछि बजेट नआउँदा योजना अलपत्र परेको थियो ।

सिँचाइ सुविधा नहुँका फोतुका बासिन्दा वर्षमा एक बाली लगाउन बाध्य थिए । ‘सिँचाइकै लागि ठूलो दुःख भोगियो,’ स्थानीय लक्ष्मण शाहीले भने, ‘अब आफ्नै बारीको उब्जनीले खान पुग्ने भयो ।’ उनका अनुसार सिँचाइ सुविधा नहुँदा स्थानीय उत्पादनले मुस्किलले ४ महिना मात्र खान पुग्थ्यो । उनले सिँचाइ पुगेपछि वर्षमा ३ बाली लगाउन सकिने बताए ।

३१ वर्षपछि पक्की कुलो बनेपछि स्थानीय किसान खुसी छन् । सिँचाइ योजना सुरु हुँदा ५ रुपैयाँ ज्याला लिएर काम गरेको ७१ वर्षीय गोर्खबहादुर शाहीले बताए । ‘सुरुको वर्ष मात्र बजेट आयो, त्यसपछि आएन,’ उनले भने, ‘योजना सुचारु गर्न विभिन्न निकायमा पटकपटक धाए पनि कसैले वास्ता गरेनन् ।’ उनले वर्षौंपछि गाउँमा सिँचाइ सुविधा पुगेपछि विकासको अनुभूति भएको बताए । उनका अनुसार २०४६ मै स्थानीयले सिँचाइ योजनामा प्रतिघर झन्डै एक महिना श्रमदानसमेत गरेका थिए ।

कर्णाली प्रदेश सरकारको ३० लाख रुपैयाँ बजेटबाट फोतुमा सिँचाइ सुविधा पुगेको हो । योजनामा विश्व खाद्य कार्यक्रम र आरसीडीले २१ लाख रुपैयाँ थपेका थिए । अहिले ७ सय २० मिटरको कुलोलाई पक्की बनाइएको छ । ‘अब गाउँमै धान फलाउन सकिने भयो,’ स्थानीय कृषक बिर्खबहादुर कार्कीले भने, ‘व्यावसायिक तरकारी खेती गरेर आत्मनिर्भर बन्न सक्छौं ।’ उनले सिँचाइ योजनामा काम गर्दा दुई महिनासम्म रोजगारीसमेत पाइएको बताए । उनका अनुसार योजनाबाट २५ घरमा सिँचाइ सुविधा पुगेको छ । यो वर्ष फोतु र हुम्लाको जैर जोड्ने झोलुंगे पुलको निर्माणको काम पनि अन्तिम चरणमा पुगेको छ ।

प्रकाशित : श्रावण २, २०७८ ११:२५
पूरा पढ्नुहोस्
प्रतिक्रिया
पठाउनुहोस्
×