कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १९३

कविता : सहर गायब भएपछि

शिवानीसिंह थारू

एकाएक सहर गायब भएपछि,
सडकहरू चौबाटोमा जम्मा भए

कविता : सहर गायब भएपछि

कहाँ गए ?

छाँया कुल्चिहिँड्‍ने मान्छेहरू

एकाएक हल्ला साम्य भएपछि

ट्राफिक लाइटहरू हरियै सुसेल्न थाले

कता पुगे ?

हतार बोकी हिँड्‍ने स्वाँफ्वाँहरू

एकाएक तँछाडमछाड सुस्ताएपछि

जेब्राका क्रसहरू खुट्टा तन्‍काउन थाले

किन रोकिए ?

वारपार गरिहिँड्‍ने पाइतालाहरू

जवाफ न दोबाटोसित थियो

न ‘वन वे’ सित

न ‘टु वे’ सित

सहरको बुढो गल्ली खोक्दै आयो

र भन्न थाल्यो,

मान्छेहरू

छाँयासहित, पाइलासहित, हतारसहित

मावनवता खोज्‍न थुनिए !

प्रकाशित : वैशाख २१, २०७७ १४:२०
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?