काठमाडौं — अमेरिकाको मिनिसोटा राज्यमा वैद्धिक धर्म समाजले ज्येष्ठ नागरिक सम्मान तथा पाठयपुस्तक विमोचन गरिएको छ ।

अमेरिकाको मिनिसोटा राज्यमा वैद्धिक धर्म समाजले ज्येष्ठ नागरिक सम्मान तथा पाठयपुस्तक विमोचन गरिएको छ । 

सेन्ट पलमा आयोजित कार्यक्रममा समितिका सल्लाहकार तथा वरिष्ठ मनोचिकित्सक डा. छविलाल शर्मा तिम्सिना, मिनिसोटा राज्यका सिनेटर फंग हावज तथा डा. लक्ष्मीनारायण ढकालले खिम खतिवडा लिखित पाठयपुस्तक ‘हाम्रो नेपालीभाषा, भाग १’ को लोकार्पण गरे । मिनिसोटामा बसोबासरत भुटानी–अमेरिकी ज्येष्ठ नागरिकहरूलाई सम्मान पनि गरियो । 

२०–३० वर्षपछि अमेरिकामा नेपाली भाषा हराउने देखेर आफूले पाठयपुस्तक लेखेको खतिवडाले बताए । ‘तेस्रो मुलुकमा बसोबास गर्ने भुटानी अमेरिकी वा अन्य नेपाली समाजका हजुरबुबा र नाति पुस्ताबीच बोलचाल बन्द हुने अवस्था छ, पहिलो पिँढीलाई अंग्रेजी आउँदैन अनि तेस्रो पिँढीलाई नेपाली,’ उनले भने, ‘त्यस्तो नहोस् भन्नलाई मैले यो किताब लेखेको हुँ ।’ सिनेटर हावजले नेपाली भाषा, साहित्य र संस्कृतिको संरक्षण–सम्वर्धन गर्न राज्यका तर्फबाट आफूले सक्दो सहयोग गर्ने आश्वासन दिए ।