काठमाडौँ — घरसँग हरेकको भावनात्मक सम्बन्ध गाँसिएको हुन्छ । घर बेच्ने तयारी गर्दा धेरै कुरामा अलमलन हुन सक्छ ।

तपाईं अहिले नै घर बेच्न तयार हुनुहुन्छ वा विचार मात्र गर्दै हुनुहुन्छ भने पनि तलका केही सुझावले तपाईंलाई स्पष्ट योजना बनाउन र आफ्नो घरलाई खरिदकर्ताका लागि आकर्षक बनाउन मद्दत गर्नेछ । 

• खर्च र आम्दानीको हिसाब–किताब गर्ने

घर बिक्री र त्यसपछि नयाँ घर किन्नका लागि आर्थिक योजना बनाउनु अत्यन्तै महत्वपूर्ण हुन्छ । बैंक वा ऋणदातासँग कुरा गरेर आफ्नो आगामी खरिद योजनाका लागि कति रकम आवश्यक पर्छ भन्ने बुझ्ने । जस्तै: हालको घरमा रहेको इक्विटी, क्लोजिङ लागत, सर्ने खर्च, सम्झौताअनुसार गर्नुपर्ने मर्मत र सुधार खर्चजस्ता कुराको आर्थिक योजना बनाउने । 

• घरको आकर्षणमा ध्यान दिने  

कुनै पनि घर बिक्रीमा बाहिरी देखावट सबैभन्दा महत्वपूर्ण कुरामध्ये एक हो, यो त्यस्तो क्षेत्र हो जुन घरधनीले आफैं सजिलै सुधार गर्न सक्ने कुरा पनि हो । बिक्रीका लागि तयार गरेको घरलाई सफा र आकर्षक देखाउने । जस्तै: बगैंचा राम्रो बनाउने, घर रंग्याउने, झ्याल र ढोका मर्मत गर्ने ।