काठमाडौँ — जाडो मौसम सुरु भएसँगै छाला सुक्खा हुने, चमक हराउनेजस्ता समस्या धेरैलाई देखिन्छ । यसको प्रयोगका लागि अहिले सामाजिक सञ्जालमा ‘मिल्की टोनर’को चर्चा चल्न थालेको छ । 

बजारमा भारतीय, कोरियन ‘मिल्की टोनर’ लोकप्रिय बन्दै गएका छन् । टोनरको मुख्य काम छालाको नरमपन कायम राख्नु र चमक ल्याउनु हो । पानीजस्तै पातलो हुने परम्परागत टोनरभन्दा यी टोनर अलि गाढा, दूधजस्तै बनावटका हुन्छन् । छालाको प्रकारअनुसार सही मिल्की टोनर छनोट गर्न सके जाडो मौसममा पनि छाला स्वस्थ, कोमल र चम्किलो राख्न सकिन्छ ।

छालामा विशेषगरी जाडो मौसममा छालाको प्राकृतिक तेल घट्ने भएकाले यस्ता टोनर उपयोगी मानिन्छन् । यहाँ जाडोमा छालालाई हाइड्रेट राख्न सहयोग गर्ने पाँच लोकप्रिय मिल्की टोनरबारे चर्चा गरिएको छ । 

• अनुआ राइस ७० ग्लो मिल्की टोनर 

पछिल्लो समय सामाजिक सञ्जालमा निकै चर्चित छ यो टोनर । यस टोनरमा करिब ७० प्रतिशत चामलको प्रयोग गरिएको भनिन्छ । जसले छालालाई मुलायम नमी दिनुका साथै सुक्खापन हटाउन मद्दत गर्छ । यसको प्रयोगपश्चात् छालामा प्राकृतिक चमक देखिन्छ र सुक्खापन कम हुन्छ । 

• टोनीमोली कोरियन वन्डर सेरामाइड मिल्की टोनर 

विशेषगरी अत्यन्तै सुक्खा र संवेदनशील छालाका लागि यो टोनर बनाइएको हो ।  सेरामाइड र प्यान्थेनोलले भरिएको यो टोनर बाक्लो र कुशनजस्तो बनावटको हुन्छ । यसले कमजोर भएको स्किन ब्यारियर मर्मत गर्नुका साथै छालाभित्रसम्म मुलायम बनाउन मद्दत गर्छ  ।