हालैका वर्षहरुमा नसर्ने रोगहरुका बिरामीको संख्यामा उल्लेख्य वृद्धि भएको छ । सन् २०१७ को एक प्रतिवेदनअनुसार कूल मृत्युको दुई तिहाई अर्थात् ६६ प्रतिशत मृत्यु नसर्ने रोगहरु जिम्मेवार छन् । यो संख्या सन् २०१९ सम्म आउँदा ७१ दशमलव १ प्रतिशत पुगेको छ । २०२३ मा अझै बढेर ७३ प्रतिशत पुगेको प्रतिवेदनमा छ । 

द ल्यान्सेटको अध्ययन अनुसार विश्वभरका वयस्कहरुले प्रतिदिन ७ हजार पाइला हिँड्दा नसर्ने रोगबाट हुने मृत्युको जोखिम ४७ प्रतिशतले कम हुन आउँछ । यस्तै दैनिक सात हजार पाइला हिँड्दा मुटु रोगको जोखिम २५ प्रतिशतले कम हुने र मुटु रोगका कारण मृत्यु हुने जोखिम ४७ प्रतिशतले कम हुन आउँछ । यस्तै दैनिक २ हजार पाइला हिँड्नेहरुको तुलनामा सात हजार पाइला हिँड्नेहरुमा  टाइप-२ मधुमेहको जोखिम १४, डिमेन्सियाको जोखिम ३८ र डिप्रेसनका लक्षणहरू २२ प्रतिशतले कम हुने अध्ययनले बताएको छ । 

अनिलले आलस्ययुक्त जीवनशैली त्याग्न सुझाव दिएका छन् । दिनमा २ हजार पाइलाभन्दा कम हिँड्नेहरुमा नसर्ने रोगहरुको जोखिम उच्च हुने उनको भनाइ छ । उनी सामाजिक मुद्दाहरुका साथै नियमित स्वास्थ्यसँग सम्बन्धित सामग्रीहरु उत्पादन गरी सामाजिक सञ्जालमा साझा गर्दै आएका छन् । फेसबूकमा १२ लाख बढी फलोअर्स भएका डा. अनिलले मुटु स्वास्थ्य जागरुकता लाइभस्ट्रिमको लागि सबैभन्दा धेरै भ्यूअर्स प्राप्त गरेको गिनिज बुक अफ वर्ल्ड रेकर्डसमेत कायम गरेका छन् ।