काठमाडौँ — वर्तमान समयमा विज्ञानले मानवीय जीवनलाई जति सहज बनाएको छ, त्यतिकै रहस्यमय पनि बनाएको छ । अब त्यो दिन टाढा छैन जब आमा–बुबा सन्तानको जन्म मिति मात्र नभइ, बच्चाको आँखाको रं‌ग, कपालको बनावट र छालाको रंग पनि आफ्नो इच्छाअनुसार तय गर्न सक्नेछन् ।

अमेरिकाको एक जीनोमिक्स कम्पनी न्यूक्लियस जीनोमिक्सले आईभीएफ प्रविधिमार्फत् बच्चाको जीनलाई अप्टिमाइज गर्नसक्ने सफ्टवेयर विकास गरेको छ । अहिलेसम्म आईभीएफमा ल्याबमा अण्डा र स्पर्मलाई फर्टिलाइज गरेर भ्रूणलाई महिलाको गर्भमा प्रत्यारोपित गरिँदै आएको थियो । 

तर न्यूक्लियस जीनोमिक्सले यसभन्दा एक कदम अघि बढ्दै न्यूक्लियस एम्ब्रायो नामक एक जेनेटिक अप्टिमाइजेशन सफ्टवेयर विकसित गरेको हो । जसले भ्रूणको डीएनए विश्लेषण गरेर ९ सय भन्दा बढी रोगको आशंकाबारे जाँच गर्न सक्छ । यसमा डायबिटिज, हार्ट डिजिज, क्यान्सरजस्ता गम्भीर रोग समावेश छन् । 

सम्भावित आईक्यू लेभल र मेन्टल हेल्थ पनि जान्न सकिनेछ

रोमात्र होइन, यो प्रविधिले भ्रूणमा आईक्यूसँग सम्बन्धिक मार्कर्स, डिप्रेशन, एंग्जाइटी जस्ता मानसिक स्थिति, बीएमआई र हाइट जस्ता खुबीबारे पनि जानकारी दिन सक्षम छ । यति मात्र होइन, आमा–बुबा भ्रूणावस्थामा नै कपालको रंग, आँखाको रंग र छालाको रंग पनि कस्तो हुने भन्ने चयन गर्न सक्ने कम्पनीको दाबी छ ।