काठमाडौँ — स्तन क्यान्सरका लक्षण सजिलै तरिकाले घरमै आफैं पहिचान गर्न सकिन्छ । तर कैयौंपटक महिनावारीका बेला हुने परिवर्तन स्तन क्यान्सरको संकेतसँग मिल्दाजुल्दा पनि हुन्छन् ।
यस्तो अवस्थामा कतिबेला स्तन क्यान्सरबारे जाँच लिन सकिन्छ? केही यस्ता उपायहरु छन् जो घरमै बसेर स्तन क्यान्सरका सामान्य लक्षणहरु ट्रयाक गर्न सकिन्छ ।
स्तन क्यान्सरको कारण
पुरुषमा महिलाको तुलनामा स्तन क्यान्सरको खतरा कम हुन्छ । यसको कारण हो महिनावारीका बेला हुने हार्मोनल परिवर्तन र ब्रेस्ट टिश्यूको बनावट । जस कारण महिलामा क्यान्सर सेल्स बढ्ने खतरा बढी हुन्छ ।
स्तन क्यान्सरका लक्षण
स्तन क्यान्सरका लक्षण निप्पलबाट डिस्चार्ज, ड्राइनेस, त्वचा निस्किनु, स्तनको रंग–आकारमा परिवर्तन, छेउछाउमा गाँठो पर्नु, भित्रतर्फ पसेको निप्पल लगायतलाई लक्षणका रुपमा मानिन्छ ।
गाँठोलाई जाँच गर्ने सही समय
महिनावारीका बेला शरीरमा हार्मोनल परिवर्तनका कारण पनि स्तनमा कैयौंपटक गाँठो पर्छन् । जो समान्यत:क्यान्सर हुँदैन । तर महिनावारी सकिएको चार/पाँच दिनपछि आफैं जाँच गर्न सकिन्छ ।
पहिलो चरणमै कसरी पहिचान गर्ने
क्यान्सरलाई पहिलो चरणमै पहिचान गर्नु निकै मुस्किल काम हो । तर निरन्तर स्वास्थ्य जाँच गर्दा पहिचान गर्न सक्ने सम्भावना बढ्छ । यदि सुरुवाती चरणमा क्यान्सर पहिचान गर्न सकियो भने निदान गर्न पनि सहज हुन्छ । यो सामग्री विशेषज्ञहरुले विभिन्न आर्टिकल र अन्तर्वार्तामा दिएको जानकारी अनुसार तयार गरिएको हो । यदि माथि उल्लेखित लक्षणहरु देखिएका छन् भने तपाईं चिकित्सकसँग परामर्शका लागि जानु उपयुक्त हुनेछ ।
