यो सडक निर्माण भएपछि तराई जानका लागि माहुरे–बुइपा–राजापानी हुँदै रेग्मीटार पुग्न घुम्नु पर्ने बाध्यता हटेको छ । यो सडक निर्माण भएपछि करिब १५ किलोमिटर सडक छोटो भएको पूर्वाधार विकास कार्यालय प्रमुख विनम दाहालले सुनाए । जोखिम मोल्दै पहरा फोरेर सडक निर्माण गर्ने एक्साभेटरका अपरेटरहरू प्रकाश लामा र प्रकाश पाख्रिनलाई जनही नगद १० हजार रूपैयाँसहित सम्मान समेत गरिएको दिक्तेल रूपाकोट मझुवागढी नगरपालिका–४ खल्लेका वडाअध्यक्ष खगेन्द्र राईले बताए । 

कोशी प्रदेश भौतिक पूर्वाधार विकास पूर्वमन्त्री भूपेन्द्र राईले सडकको उद्घाटन गरे । तर अघिल्लो वर्षको बाढीले फोक्सिङटारको पुल बगाएपछि बर्खा याममा तराईसँगको सिधा यातायात सम्बन्ध भने बिच्छेद भएको छ । उक्त ठाउँमा हिउँदमा बेलिब्रज जडान गरेपछि मात्र सिधा यातायात सञ्चालन हुने गरेको छ ।