धनकुटा — नयाँ वर्षको अवसरमा धनकुटा–५ स्थित बिहीबारेमा सोमबारदेखि चौथो कोप्चे उत्सव भइरहेको छ । 

उत्सव आगामी तीन दिनसम्म सञ्चालन हुने आयोजकले जनाएको छ । धनकुटा बजार र नगरपालिका–५ स्थित तल्लो कोप्चे र माथिल्लो कोप्चे क्षेत्रमा आन्तरिक तथा बाहृय पर्यटक भित्र्याएर चहलपहल बढाउन उत्सव गरिएको आयोजकले जनाएको छ । 

नयाँ वर्षको अवसरमा २०८० देखि कोप्चे उत्सव आयोजना हुँदै आएको छ । मौलिक खेल, खानेकुरा संस्कृति, भेसभुषा, रहनसहन संरक्षण र प्रवर्द्धनका लागि उत्सव थालिएको आयोजक कोप्चे पुनर्जागरण अभियानका सचिव उज्वल कर्माचार्यले जानकारी दिए । 

स्थानीय नेवारी र आठपहरिया समुदायको मौलिक खाना परिकारसहितका २० वटा स्टल रहेका छन् । उक्त अवसरमा नेवारी र आठपहरिया जातिको सांस्कृतिक नृत्य तथा गीत प्रस्तुत गर्नुका साथै नेपालका मौलिक बाघचाल खेल, दुना टपरी बुन्ने प्रतियोगिता, घुम्ने कुर्सीलगायत मनोरञ्जनात्मक खेल खेलाइने जनाइएको छ ।