खोटाङ — हलेसी तुवाचुङ नगरपालिकामा सडक मर्मत गर्ने क्रममा झरेको ढुंगाले लागेर एक वृद्धाको मृत्यु भएको छ । उक्त नगरपालिका–३ च्यास्मिटार दाल्फुस्थित जेसीबीले बिहीबार सडक मर्मत गर्ने क्रममा झरेको ढुंगाले लागेर स्थानीय राधाखोलाका ७१ वर्षीय बलबहादुर राईको मृत्यु भएको हो ।

जेसीबी र चालक उदयपुर ताप्ली गाउँपालिका–२ का २६ वर्षीय केवल मगरलाई नियन्त्रण लिएको जिल्ला प्रहरी कार्यालय खोटाङका सूचना अधिकारी प्रहरी निरीक्षक सुशान्त मिश्रले बताएका छन् । शव पोस्टमार्टमका लागि धरानको घोपा पठाइएको मिश्रले सुनाएका छन् ।