खोटाङ — एमाले खोटाङका नेता तथा केपिलासगढी गाउँपालिकाका पूर्वअध्यक्ष कृष्णकुमार राई नेपाली कम्युनिस्ट पार्टीमा  प्रवेश गरेका छन् । मंगलबार बाक्सिला बजारमा आयोजित कार्यक्रममा राईसहित २१ जना नेकपा प्रवेश गरेका हुन् ।

राईका अनुसार एमाले गाउँपालिका उपसचिव रमेश परियार, इलाका समिति सदस्य निरण श्रेष्ठ, वडा नं. ४ बाक्सिला गाउँ कार्यसमिति अध्यक्ष दिनेश राई लगायतका नेता तथा कार्यकर्ता एमाले परित्याग गरी नेकपामा प्रवेश गरेका हुन् ।

नेकपा उम्मेदवार हरि रोकासहित पूर्वसांसद टंक राई, पूर्वप्रतिनिधिसभा सदस्य रामकुमार राई लगायतले नवप्रवेशीलाई स्वागत गरेका थिए ।