संखुवासभा — संखुवासभाका सुनचाँदी पसल दुई दिनदेखि अनिश्चितकालीन बन्द गरिएको छ । सुनचाँदी व्यवसायी संघले संखुवासभा जिल्लामा रहेका ३ दर्जन बढी सुनचाँदी पसलहरु शुक्रबारबाट बन्द गरेका हुन् ।
सरकारले सुनचाँदीमा लगाएको अनावश्यक करको विरोध गर्दै पसल बन्द गरिएको अध्यक्ष जनक पौडेलीले बताए ।
नयाँ बजेटमा सरकारले सुनमा २ प्रतिशत विलासिता कर र हिरा पत्थरमा १३ प्रतिशत कर लगाएको र तत्काल खारेजी हुनुपर्ने माग उनीहरुको छ ।
त्यस्तै, सुनको भन्सार ६ प्रतिशत कायम हुनुपर्ने र सुनचाँदीको कारोबारको लागि सरकारले प्रष्ट नीति र नियमावली निर्माण गर्नुपर्ने व्यवसायीहरुको माग छ ।
सरकारले सुनचाँदीमा लगाएको अव्यवहारिक नीतिका कारण देशैभरका व्यवसायीहरु आन्दोलित छन् ।
