ताप्लेजुङ — पाथीभरा दर्शनका लागि जाँदै गरेका एक बालकले २०७६ सालमा ज्यान गुमाए। त्यही घटनापछि झापा बिर्तामोडका शरद जोशी समेतको सक्रियतामा तीर्थयात्रीलाई अक्सिजन सिलिन्डर र औषधि निशुल्क उपलब्ध गराइँदै आएको छ ।

रोटरी क्लब अफ बिर्तामोड मिडटाउन र रोटर्याक्ट क्लब अफ बिर्तामोड मिडटाउनले आठ वर्षदेखि यहाँ यस्तो सहयोग गर्दै आएको हो। अक्सिजन अभावकै कारण ती बालकको ज्यान गएपछि फेरि त्यस्तै क्षति हुन नदिन यी संस्थाले सहयोग गर्दै आएका छन् ।

तीन थान बोकेर हिँड्न मिल्ने अक्सिजन सिलिन्डरबाट सुरु भएको सहयोग अन्तर्गत अहिले औषधि, स्यानिटरी प्याड हट ब्याग लगायतका सामग्री प्राप्त भएको माथिल्लो फेदी प्राथमिक उपचार केन्द्रका अहेव उमनाथ पौडेलले जानकारी दिए । क्लबका संस्थापक अध्यक्ष समेत रहेका जोशी सहितको टोली हरेक वर्ष उपस्थित भएर  पाथीभरा क्षेत्र विकास समितिलाई हस्तान्तरण गर्ने र समितिले उपचार केन्द्रलाई उपलब्ध गराउने क्रम चलेको पौडेलले बताए ।