पाँचथर — पाँचथर उद्योग वाणिज्य संघको अध्यक्ष पदमा नरेन्द्रप्रसाद अधिकारी निर्वाचित भएका छन् । प्रतिस्पर्धी रेखा इङनाम लावतीलाई ५ सय १० मतान्तरले हराउँदै अधिकारी तीन वर्षे कार्यकालका लागि अध्यक्ष पदमा निर्वाचित भएका हुन् ।

निर्वाचनमा ९ सय ६६ मत खसेका थिए । जसमध्ये ८ सय ९८ मत सदर भएका थिए । जसमध्ये अधिकारीले ७ सय ४ मत प्राप्त गर्दा इङनामलाई १ सय ९८ मत प्राप्त भएको निर्वाचन समितिको कार्यालयले जनाएको छ ।

संघको चार जना उपाध्यक्षहरुमा दिपेश गुप्ता, सूर्यकुमार मगर, शिव अधिकारी र उमानाथ अधिकारी, सचिवमा विकास थापा र कोषाध्यक्षमा गणेश काफ्ले निर्वाचित भएका छन् । महासचिव पदमा भने चन्द्रप्रसाद काफ्ले निर्विरोध निर्वाचित भएका थिए ।