धनकुटा नगरपालिका–१ हिलेस्थित खरायो टि–स्टेटमा समेत डढेलो लागेको छ । उक्त स्थानमा प्रहरी र स्थानीयबासीको पहलमा साँझ अबेर डढेलो नियन्त्रणमा आएको प्रहरीले जनाएको छ ।

उता, महालक्ष्मी नगरपालिका–४ थाक्लेस्थित अरुण पिप्ले सामुदायिक वनमा समेत सोमबार डढेलो लागेको छ । 

यस्तै, पाख्रिबास नगरपालिका–३ सिंहदेवीस्थित लालबहादुर कटुवालको निजी वनमा समेत डढेलो लागेको छ । उक्त वनका लागेको डढेलो समेत प्रहरी र स्थानीयबासीको पहलमा साँझ नियन्त्रणमा आएको छ ।

जिल्लाका अन्य स्थानमा पनि डढेलो लागेको प्रहरीको भनाइ छ । क्षतिको विस्तृत विवरण प्राप्त हुन बाँकी रहेको जनाइएको छ ।