पाँचथर — जिल्ला अस्पतालमा आयोजित निःशुल्क पाँचदिने हाडजोर्नी शिविरमा ३ दिनमै ५९ जनाको शल्यक्रिया गरिएको छ ।
८ सय ३७ जना हाडजोर्नीको समस्या भएका बिरामीको परीक्षण गरिएकामा ५९ जनाको बिहीबारसम्म शल्यक्रिया गरिएको हो ।
फिदिम नगरपालिका, नेपाल अर्थोपेडिक अस्पताल जोरपाटी, रोटरी क्लब अफ ललितपुर र पाँचथर जिल्ला अस्पतालको संयुक्त आयोजनामा शिविर आयोजना भएको हो ।
शिविरमा हातगोडा र शरीरमा राखेको स्टिल झिक्ने, भााचिएका र बांगिएका हड्डी मिलाउने र अप्रेसन गर्नेजस्ता काम भइरहेको छ ।
पाँच दिनसम्म सञ्चालन हुने शिविरअन्तर्गत तेस्रो दिनसम्म ५९ जनाको अप्रेसन गर्नुका साथै ८ सय ३७ जनाको स्वास्थ्य परीक्षण गरिएको फिदिम नगरपालिकाका प्रमुख मित्रप्रसाद काफ्लेले बताए ।
शिविरमा अर्थोपेडिक अस्पताल काठमाडौंका विशेषज्ञ चिकित्सक सहभागी छन् । शिविर चैत ९ गतेसम्म सञ्चालन हुनेछ ।
