ताप्लेजुङ — पाथीभरा याङवरक गाउँपालिका-२ थेचम्बुका युवराज तामाङको घरमा आगलागी भएको छ । आगलागीबाट तीनतले घरमा रहेका सम्पूर्ण सरसामान, अन्न, लत्ताकपडा जलेको तामाङले बताए ।
शनिबार दिउँसो घरका मान्छे बारीमा काम गर्दै गर्दा घरमा आगो सल्किएको थियो । विद्युत् सर्ट भएर आगलागी भएको हुन सक्ने तामाङको भनाइ छ ।
गाउँपालिकाले घर पुननिर्माणका लागि ६० हजार नगद दिने भएको छ । पाल, ओड्ने ओछ्याउने सहितका प्रारम्भिक राहत सामग्री उपलब्ध गराउदै गाउँपालिका अध्यक्ष केशर मेन्याङबोले तत्काल घर बनाए पालिकाले जस्तापाता पुग्नेसम्मको रकम उपलब्ध गराउने बताएका छन् ।
