व्यस्त सहरकोकुनै जुवाघर होइन म ।
म ढुङ्गाको देवता पनि होइन ।
आँखा, हात र हृदय
खुला राखी हिँड्ने
साधारण मानिस हुँ म ।
म बेहिसाब प्रेम गर्छु
नदीझैं गतिशील
मानिसहरुका सपनालाई ।
घृणाको गोली मेरो कञ्चट ताकेर
हाँसिरहेको क्रूर समयमा
खमेय् जात्राको पशुझैं
धूलोमा पछारिएर बिस्तारै उठिरहेछ प्रेम
र, म अविरल प्रेमको राजमार्गमा छु ।
news-wrap-secदेउरालीमाथि आइरहने
अर्को देउरालीको अथक यात्री हुँ म ।
म प्रेममय सपनाको लेनिन हुँ
एक क्रूर अत्याचारप्रति
कुनै पनि मूल्यमा हुन सक्दिनँ उदार
म कालभैरवझैं महान् होइन
हाँसेरै जसले गरून् हत्यारालाई माफ
हाम्रो समयको सबभन्दा प्रेमिल,
सबभन्दा कोमल
र, सबभन्दा करूणाशील
मानिसहरुमध्ये एक हुँ म
निर्दोष मानिसहरुप्रति
असीम प्रेम र करूणाको दसी
news-wrap-secयसभन्दा बढी अरु के हुन्छ ?
आँखाको कसिङ्गरझैं
वर्णको पर्खालझैं
त्याग्नैपर्ने कुरा
र, भत्काउनैपर्ने सम्बन्धहरु
धेरै छन् यहाँ ।
मिथ्याचारझैं मिथ्या व्यवस्थामा
निसासिन्छ स्वयं प्राणवायु
पुग्नु छ मलाई नयाँ गन्तव्य ।
त्यस्तो अप्राप्य इच्छा
केही छैन मसँग
बस ! एक प्रतिरोध
हुँ म क्रूरताविरूद्ध
आफ्नै जगमा उभिएको
करूणा र प्रेमको बोधीवृक्ष हुँ ।
