वीरेन्द्रनगर — कर्णाली प्रदेशमा सवारी दुर्घटनाको मुख्य कारण तीव्र गति भएको छ । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतको तथ्यांक अनुसार कर्णालीमा सबैभन्दा बढी सवारीहरु तीव्र गतिको कारण भएका छन् । 

आर्थिक वर्ष २०८१/०८२ मा १ हजार ८६ सवारी दुर्घटनामा परेकोमा ६ सय ४४ घट्ना तीव्र गतिका कारण भएका नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका प्रमुख एसपी मुकुन्दप्रसाद रिजालले जानकारी दिए । 

यस्तै आव ०८२/०८३ मा ११ सय ९७ दुर्घटना भएकोमा ७ सय ७१ सवारी दुर्घटना तीव्र गतिका कारण भएका हुन् । आव २०८१/०८२ मा ६ सय ४४ घट्ना तीव्र गतिकै कारण भएका रिजालले बताए । 

यस्तै कर्णालीमा सबैभन्दा बढी सवारी दुर्घटनामा पर्ने सवारी चालकहरु २६ देखी ४० वर्षसम्मका छन् । ४४ प्रतिशत दुर्घटना यो उमेर समूहकाबाट हुने गरेको छ । 

सबैभन्दा दुर्घटनामा परेका सवारीसाधनमा मोटरसाइकल छन् । आव ०८२/०८३ मा ४७ प्रतिशत मोटरसाइकलहरु दुर्घटनामा परेका छन् । प्रदेशमा पछिल्लो समय सवारी दुर्घटनामा ज्यान गुमाउनेको संख्या भो थोरै घटेको छ । 

नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतको तथ्यांक अनुसार कर्णालीमा सवारी दुर्घटनाको संख्या बढेपछि मृत्यु हुनेहरुको संख्यामा कमी आएको छ ।

आर्थिक वर्ष २०८१/०८२ को तुलनामा आव ०८२/०८३ मा सवारी दुर्घटनामा ज्यान गुमाउनेहरुको संख्यामा ३ प्रतिशतले कमी आएको छ । ०८१/०८२ मा १ सय ३९ जनाको मृत्यु भएकोमा आव ०८२/०८३ मा १ सय २५ जनाको मृत्यु भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका प्रमुख एसपी रिजालले जानकारी दिए । 

यस्तै दुर्घटनामा पहिलो आर्थिक वर्षमा १ हजार ८६ घाइते भएकोमा पछिल्लो आवमा १ हजार ९७ घाइते भएका छन् । सवारी दुर्घटनामा भने २३ प्रतिशतले वृद्धि भएको छ । अघिल्लो आर्थिक वर्षभन्दा पछिल्लो आवमा सवारी दर्तामा १६ प्रतिशतले वृद्धि भएको थियो ।