गएरातिको वर्षासँगै माथिबाट खसेकाे ढुंगाले ३३ केभी विद्युत् तार काटिँदा कालिकाेट, जुम्ला र मुगुको राष्ट्रिय प्रसाण लाइन अवरुद्ध भएको हो ।
कालिकोट — कालिकोटको खाँडाचक्र नगरपालिका-२ हुल्म भीर नजिकै माथिबाट खसेकाे ढुंगाले ३३ केभी विद्युत् तार काटिँदा गएरातिबाट ३ जिल्लाको विद्युत् अवरुद्ध भएको छ । कालिकाेटसहित जुम्ला र मुगुको राष्ट्रिय प्रसाण लाइन अवरुद्ध भएको हो ।
विद्युत् कार्यालय कालिकोटका वरिष्ठ प्राविधिक जयप्रसाद पाण्डेले मर्मत गर्न टोली खटिसकेकाे बताए ।
अछामकाे कमल बजार हुँदै आएको राष्ट्रिय प्रसारण लाइन कर्णाली राजमार्ग हुँदै मुगुसम्म पुगेको छ ।
