एक्कासी असिना–पानी सहितको बाढीले डाँफे आधारभूत विद्यालय र केही स्थानीयका गोठहरु बगाएको प्रारम्भिक जानकारी आएको पालिकाका अध्यक्ष प्यारीलाल शाहीले जानकारी दिए ।
वीरेन्द्रनगर — हुम्लाको चंखेली गाउँपालिका–५ नेप्का गाउँमा मंगलबार राती आएको बाढीपहिरोले स्कुल र गोठहरु बगाएको छ । एक्कासी असिना–पानी सहितको बाढीले डाँफे आधारभूत विद्यालय र केही स्थानीयका गोठहरु बगाएको प्रारम्भिक जानकारी आएको पालिकाका अध्यक्ष प्यारीलाल शाहीले जानकारी दिए ।
उनका अनुसार त्यहाँ राम्रोसँग फोन सम्पर्क हुन सकेको छैन । मानवीय क्षति नभएको तर २ देखी ३ स्थानीयका गोठहरु र एक विद्यालय भवनमा क्षति पुगेको खबर स्थानीयले दिएका छन् ।
जिल्ला प्रहरी कार्यालय हुम्लाका प्रमुख डीएसपी शंकर खड्काका अनुसार बुधबार बिहान ५ बजे मेल्छाम प्रहरीचौकीबाट प्रहरी टोली घट्नास्थलमा गएको छ । ९ देखी १० बजे प्रहरी टोली घट्नास्थलमा पुग्नसक्ने उनले बताए ।
यातायातको सुविधा नभएकाले उक्त गाउँमा प्रहरी पैदल गइरहेको छ । प्रहरी घट्नास्थल पुगेपछि एकिन जानकारी आउने उनले बताए । उक्त गाउँ हुम्ला सदरमुकाम सिमकोटदेखि उत्तरपूर्वमा पर्छ ।
