कालीकोट — लामो समयको प्रतीक्षापछि रास्कोटवासीले घर नजिकै नागरिकता र राष्ट्रिय परिचय पत्र पाउने भएका छन् । यस क्षेत्रमा रास्कोट नगरपालिका, सान्नि त्रिवेणी, पचालझरना र पलाता गाउँपालिका छन् ।

यहाँका चारवटा स्थानीय तहलाई लक्षित गरी सोमबारदेखि कालीकोटको रास्कोटमा इलाका प्रशासन संचालन हुने भएको छ ।

लामो समयको प्रतीक्षापछि रास्कोटवासीले घर नजिकै नागरिकता र राष्ट्रिय परिचय पत्र पाउने भएका छन् । यस क्षेत्रमा रास्कोट नगरपालिका, सान्नि त्रिवेणी, पचालझरना र पलाता गाउँपालिका छन् । 

इलाका प्रशासन कार्यालयका लागि कामु शाखा अधिकृत नवराज बमको नेतृत्वमा कर्मचारीहरु खटिएको कालीकोटका प्रजिअ गोकर्णराज सुयलले बताए । 'भोलि सोमबारदेखि रास्कोटबाट सेवा सुरु गर्दैछौं,' उनले भने, 'रास्कोट आसपासका बासिन्दालाई सहज हुनेछ ।'