सुर्खेत — प्रतिनिधिसभा सदस्य निर्वाचनमा कर्णाली प्रदेशमा ९० जनाको जमानत जफत भएको छ । प्रतिनिधिसभा सदस्य निर्वाचन ऐन, २०७४ को दफा ७१ का अनुसार ‘मतदान गरिएको जम्मा सदर मतको दश प्रतिशतभन्दा कम मत पाउने उम्मेदवारको धरौटी जफत हुने व्यवस्था अनुसार ९० जनाको जमानत जफत हुने प्रदेश निर्वाचन कार्यालयले जनाएको छ ।

जमानत फफत हुनेमा सुर्खेतमा २४ जना रहेका छन् भने दैलेखमा १३ जना छन् । सल्यानमा १०, जुम्लामा ६, कालिकोटमा ६, मुगुमा ४ जना छ्न् । यस्तै डोल्पामा ६, रुकुमपश्चिममा ९, जाजरकोटमा ८, हुम्लामा ४ जनाको जफत हुने भएको छ । जमानत जपत हुनेमा चर्चित अनुहाहरु धेरै रहेको कर्णाली प्रदेश मुख्य निर्वाचन अधिकृत लालबहादुर गुरुङले बताए ।