वीरेन्द्रनगर — आगामी फागुन २१ गतेका लागि तोकिएको प्रतिनिधि सभा निर्वाचनका लागि कर्णाली प्रदेशमा २६ हजार नयाँ मतदाता थपिएका छन् ।

निर्वाचन घोषणापछि निर्वाचन आयोगले मतदाता नामावली दर्ता र अद्यावधिक लागि खोलेको समयमा २६ हजार ६ सय ३५ मतदाता थपिएका हुन् ।

प्रदेशमा यसअघि १० लाख ६ हजार ८ सय ३४ मतदाता भएका प्रदेश निर्वाचन अधिकारी लालबहादुर गुरुङले जानकारी दिए । 

उनका अनुसार नयाँ थपिएका मतदाता विवरण सार्वजनि गरिसकिएको छ । यो पटक अनलाइनबाट मतदाता नामावलीमा नाम दर्ता गर्नेको संख्या बढेको छ । फोटा र औंठाछापसहित राष्ट्रिय परिचयपत्रको विवरणका आधारमा आयोगले अनलाइनबाट नाम दर्ता गराउने व्यवस्था आयोगले मिलाएको थियो ।