रुकुम पश्चिम — रुकुम पश्चिमको बाँफिकोट गाउँपालिका–७ लिस्नेमा सोमबार जिप दुर्घटना हुँदा आठ जनाको मृत्यु भएको छ । दुर्घटनामा १० जना घाइते भएका छन् ।

जिल्ला प्रहरी प्रमुख डीएसपी प्रमेश विष्टका अनुसार सदरमुकाम मुसिकोट खलंगाबाट आठबिसकोट नगरपालिकाको स्यालाखदीतर्फ जाँदै गरेको रा १ ज ४२२ नम्बरको जिप सडकबाट करिब ७ सय मिटर तल खसेको थियो ।

मृत्यु हुनेमा आठबिसकोट–१ का १६ वर्षका टेकजंग बुढा, १५ वर्षकी कल्पना नेपाल, २८ वर्षकी सबिता विक, १५ वर्षकी दिलमाया बुढा, आठबिसकोट–२ की १७ वर्षकी मनिका ओली, १८ वर्षकी शर्मिला विक, २२ वर्षका गोपाल ओली र आठबिसकोट–३ की कमला ओली रहेका छन् ।

त्यसैगरी घाइते हुनेमा आठबिसकोट–१ की १७ वर्षकी सिर्जना बुढा, १५ वर्षकी सपना नेपाल, १८ वर्षकी जुना बुढा, १७ वर्षकी संगीता बुढा, १९ वर्षकी शान्ति बुढा, १७ वर्षकी अञ्जना ऐरी, २० वर्षकी महिमा ओली, १७ वर्षकी मनिषा थापा, १५ वर्षकी सबिता विक र मुसिकोट–२ का चालक टोपजंग बुढा रहेका छन् ।