शे–फोक्सुण्डो गाउँपालिका वडा नम्बर ४ नाम्दो गाउँ बस्ने ९ वर्षीय बालकको बाढीमा बगेर मृत्यु भएको हो
डोल्पा — माथिल्लो डोल्पाको शे–फोक्सुण्डो गाउँपालिकामा बाढीले बगेर एक जना बालकको मृत्यु भएको छ ।
वडा नम्बर ४ नाम्दो गाउँ बस्ने स्थानीय ग्याल्छेन लामाका ९ वर्षीय छोराको मृत्यु भएको हो ।
सोमबार दिउँसो गाउँनजिकै रहेको खोलामा आएको बाढीले बगाएर बालकको मृत्यु भएको गाउँपालिकाका उपाध्यक्ष पेमावाङ्छेन गुरुङले जानकारी दिए । उनका अनुसार घटना घटेको आफूलाई खबर प्राप्त भएपनि आफू बाहिर रहेकाले जानकारी लिन नसकिएको बताए ।
जिल्ला प्रहरी कार्यालय डोल्पाका प्रहरी नायब उपरीक्षक रुकबहादुर खड्काले मौखिक खबर आएपनि फोन सम्पर्क हुन नसक्दा विस्तृतमा जानकारी लिन नसकिएको बताए ।
घटनाका विषयमा जानकारी लिन उपल्लो डोल्पामा रहेका प्रहरी युनिटहरुसँग सम्पर्क गर्ने प्रयास गरिरहेको डिएसपी खड्काको भनाइ छ ।
