कालिकोट — शनिबार रातिदेखिको पहिरोले ठाउँ–ठाउँमा कर्णाली राजमार्ग अवरुद्ध भएको छ । वर्षासँगै कर्णाली राजमार्गका चार ठाउँमा पहिरो र कर्णाली करिडोरको फुगाड खोला बढेपछि सडक अवरुद्ध भएको हो ।

पहिरोले कर्णाली राजमार्गको कालिकोटको गगने खोला, बिहानी, दैलेखको खिडकी ज्यूला, जुम्ला र कालिकोटको सिमाना नाग्मा नजिकै सिँजा हुँदै मुगु जाने सडक अवरुद्ध भएको कालिकोटका प्रहरी प्रमुख टेक वहादुर रावतले बताए ।

‘दैलेखमा हिजो साँझ देखि अवरुद्ध छ,’ उनले भने, ‘कालिकोटको गगने र बिहानीको पहिरो हटाउन मेसिन गई सकेको छ ।’