रुकुम पश्चिम — आठबिसकोट नगरपालिका–१४ स्थित घेत्मा स्वास्थ्य चौकीमा पसेर होहल्ला गर्ने एक जना प्रक्राउ परेका छन् । सोमबार राति ११ बजेतिर एक्कासि अस्पताल परिसरमा आएर हो–हल्ला गरी त्यहाँका सरसामानमा क्षति पुर्‍याउने स्थानीय तिलक मल्ललाई प्रहरीले प्रक्राउ गरेको हो ।

रातीपख स्वास्थ्य चौकीभित्र एक जना महिलाको प्रसूति गराउने काम भइरहेका बेला एक्कासि होहल्ला गर्दै उनी स्वास्थ्य चौकी परिसरमा आएको त्यहाँका प्रमुख जनस्वास्थ्य निरीक्षक देवबहादुर चन्दले बताए । घटना घटेको रातको भिडियोसमेत हेर्दा मल्लले हातमा धारिलो हतियार बाकेर प्रवेशद्वार फोरेर जबरजस्ती भित्र पसेको प्रस्ट देख्न सकिन्छ । साथै उनले अश्लील शब्दहरु समेत बोलेको र रोक्न खोज्ने स्वास्थ्यकर्मीमाथी हातपात गरेको देखिन्छ । 

यस विषयमा थप जानकारी दिँदै स्वास्थ्य चौकी प्रमुख चन्दले आफूहरु बिरामीको उपचारमा व्यस्त भएकाबेला यस प्रकारको घटना भएपछि डराएको बताए । ‘स्वास्थ्य चौकीको प्रवेशद्वारमा हानेर हतियारसहित भित्र पसी आकस्मिक पर्दा प्रयोग गर्न रोकिराखेको गाडी, परिसरमा रहेको टेन्ट, कुसी लगायतमासमेत क्षति पुग्यो,’ उनले भने, ‘साथै जaरजस्ती प्रसूति कक्षमा प्रवेश गर्न खोज्दा रोक्ने स्वास्थ्य चौकीका महिला कर्मचारीमाथि समेत हातपात गरेको हो ।’