सल्यान — पहिरोका कारण राप्ती राजमार्ग १० घण्टादेखि अवरुद्ध भएको छ । जिल्लाको बाग्चौर नगरपालिका २ खरिबोट नजिकै ठूलो पहिरो जाँदा राजमार्ग अवरुद्ध भएको हो ।
बाटो बन्द भएपछि सवारी साधन र यात्रुहरु बीचमै अलपत्र परेका छन् । नजिकका यात्रुहरु भने हिँडेर गन्तव्यतिर गइरहेको प्रहरीले जनाएको छ ।
मंगलबार राति गएको पहिरो अहिले सडक डिभिजनको जेसीबीले पन्छाउने काम गरिरहेको छ । जिल्ला प्रहरी कार्यालय सल्यानका प्रहरी निरीक्षक रेशम खत्रीले पहिरो हटाउन केही समय लाग्ने बताएका छन् ।
