जुम्ला — जुम्लास्थित चन्दननाथ मन्दिरमा रहेकाे दानपेटिकाबाट भेटी चाेर्ने चन्दननाथ-१० का २७ वर्षीय वीरजित कामी पक्राउ परेका छन् । उनलाई प्रहरीले शनिबार साँझ पक्राउ गरेकाे हाे ।
उनी मजदुरी काम गर्दै आएका छन् । गत बिहीबार दिउँसो २:४० मा दानपेटिकाबाट भेटी चाेरी भएको थियाे । दानपेटी फाेडेकाे सीसी टिभी फुटेजले अनुसन्धान गर्न सहज भएको प्रहरीले जनाएको छ ।
प्रहरी प्रमुख डीएसपी रबिनबाबु रेग्मीले मन्दिरकाे सुरक्षालाई थप कडा पारिएको बताए । अहिले प्रहरी हवल्दार नेतृत्वको प्रहरीले मन्दिरकाे सुरक्षा दिइरहेको छ ।
