कालीकोट — माछा मार्ने क्रममा तिला नदीमा बेपत्ता भएका तिलागुफा-४ राचुलीका भोजनबहादुर शाही शनिबार बेलुकीसम्म पनि भेटिएका छैनन् । शुक्रबार बेलुकी माछा मार्न झरेउला (पासो थापेर) शनिबार बिहान तिला नदी किनारमा गएका २४ वर्षीय शाही नदीमा डुबेर बेपत्ता भएको कालिकोटका प्रहरी प्रमुख डीएसपी टेकबहादुर रावतले बताए ।
स्थानीय कालिका मावि राचुलीमा कक्षा १२ मा अध्ययनरत शाही नदीमा बेपत्ता भएको खबर आएपछि राचुली गाउँका स्थानीय र खल्लागाड प्रहरी चौकीबाट खटिएको प्रहरी टोलीले खोजी गरेको हो ।
युवक बेपत्ता भएको खबर पाएपछि आधा घण्टामै घटनास्थल पुगेर खोजी थालिएको जिल्ला प्रहरी कार्यालयका सूचना अधिकारी गोविन्द चौधरीले बताए ।
