कालिकोट — सुख्खा पहिरोले कर्णाली करीडोर अन्तर्गत हुम्लाको खच्चा सडक खण्ड पुनः अवरुद्ध भएको छ । पटक-पटक सुख्खा पहिरो आउने गरेको खच्चामा आइतबार बिहान ८ बजे सुख्खा पहिरो खस्दा सडक अवरुद्ध भएको हो ।

सडक अवरुद्ध भएसँगै हुम्लाको सदरमुकाम जाने र सर्केगाड आउने यात्रु तथा मालबाहक गाडीसहित सम्पूर्ण यातायातका साधनहरु बाटैमा रोकिएको प्रहरीले जनाएको छ । यातायाताका साधनहरु ठप्प भएपछि नागरिकहरु हिँडेर यात्रा गर्न बाध्य भएको अस्थायी  प्रहरी पोष्ट बालकुनाका प्रहरी हवल्दार राजबहादुर विष्टले जानकारी दिए । 

‘बिहानैदेखि सडक अवरुद्ध छ,’ उनले भने, ‘जेसीबी आएर पहिरो पन्छाउने काम भइरहेको छ ।’ पहिलो खुले पनि बीच बाटोमा एक्सल भाँचिएर ट्रक रोकिएकाले सवारी आवतजात गर्न सक्ने अवस्था नरहेको उनको भनाइ छ ।