वीरेन्द्रनगर — हुम्लाको सर्केगाड गाउँपालिकामा ६६.४१ प्रतिशत मत खसेको छ । पालिकाको उपाध्यक्ष पदका लागि आइतबार मतदान भएको थियो । ६ हजार ८ सय १० मतदाता रहेको पालिकामा ४ हजार ५ सय २४ मत खसेको मुख्य निर्वाचन अधिकृतको कार्यालयले जनाएको छ ।

२ हजार ३ सय २९ पुरुष, २ हजार १ सय ९५ महिलाले मतदान गरेका मुख्य निर्वाचन अधिकृत शम्भुप्रसाद बरालले जानकारी दिए । उनका अनुसार सर्केगाडमा १२ वटा मतदान स्थल र १३ वटा मतदान केन्द्रबाट मतदान भएको छ ।

शान्तिपूर्ण र मर्यादित रुपमा मतदान भएको उनले बताए । मतपेटिका छिटो पुगेको खण्डमा राति ९ बजेबाटै मतगणना गर्ने तयारी भएको बरालले बताए ।