काठमाडौँ — समाज डेन्टलले गरिब तथा विपन्न नागरिकका लागि एक करोड बराबरको उपचार कोषको घोषणा गरेको छ । अस्पतालको २५ औँ वार्षिकोत्सवको अवसरमा उक्त राश‍िको उपचार कोषको घोषणा गरिएको हो । 

समाज डेन्डल हस्पिटलका प्रबन्ध निर्देशक शंकु घिमिरेले गुणस्तरीय दन्त स्वास्थ्यमा सबैको पहुँच पुर्‍याउने उद्देश्यले उक्त उपचार कोषको घोषणा गरिएको जानकारी दिए । अस्पतालको स्थापना नै गुणस्थतरीय दन्त स्वास्थ्यमा सबैको पहुँच रहेको उनको भनाइ थियो । 

विशिष्टिकृत दन्त स्वास्थ्य सेवा प्रदानमा अस्पताल प्रतिबद्ध रहेको पनि घिमिरेको भनाइ थियो । २०५८ साउन १ मा स्थापना गरिएको समाज डेन्टलले हाल काठमाडौं, ललितपुर, भक्तपुर र काभ्रे गरी कूल १० स्थानमा सेवा दिइरहेको र आगामी दिनमा देशका ७७ वटै जिल्लामा उपचार सेवा विस्तार गर्ने लक्ष्य रहेको घिमिरेले जानकारी दिए । उपचार कोषको खर्च गरिब तथा विपन्न नागरिकको दन्त उपचारका लागि सहयोग गरिने घिमिरेले बताए ।