स्वास्थ्य क्षेत्रका चुनौतीहरू समाधान गर्न र उच्चतम स्वास्थ्य लाभ सुनिश्चित गर्न सरकार र निजी क्षेत्रको बीचमा सहकार्यको महत्वपूर्ण भूमिका रहेको उनको भनाई थियो । धुलिखेल नगर प्रमुख अशोक ब्याञ्जुले नगरलाई ‘स्वस्थ शहर’ बनाउनका लागि शून्य गरिबी, बालमैत्री वातावरण, साक्षरता प्रवर्द्धन, हरित नगर, र छुवाछूत मुक्त समाज निर्माणको लक्ष्य रहेको  बताए । सामाजिक संस्थाहरूसँग सहकार्य गर्दै यी योजनाहरूलाई प्रभावकारी रूपमा कार्यान्वयन गर्ने उनले प्रतिवद्धता व्यक्त गरे । 

पाँच करोडभन्दा बढी मूल्य पर्ने यी उपकरणहरूले मृगौला रोगीहरूको उपचारमा महत्त्वपूर्ण योगदान दिने अपेक्षा गरिएको रोटरी क्लब अफ धुलिखेलकी अध्यक्ष ज्योत्सना सैंजुले बताइन् । जर्मन रोटरी भोल्न्टर क्लबका प्रतिनिधिले नेपालका अस्पतालहरूलाई निरन्तर सहयोग गर्ने प्रतिबद्धता जनाए । 

सोही कार्यक्रमको अवसरमा रोटरी क्लब अफ धुलिखेल, धुलिखेल अस्पताल र नगरपालिकाबीच ब्लड बैंक स्थापना तथा विद्युतीय शवदाह गृह निर्माण गर्ने विषयमा समझदारीपत्रमा हस्ताक्षर तथा आदानप्रदान गरिएको थियो ।