नेपालका प्रत्यारोपितहरुले आयोजना गरेको दुई दिने सम्मेलनमा मन्त्री पौडेलले सहिद धर्मभक्त राष्ट्रिय प्रत्यारोपण केन्द्रमा भएको प्रत्यारोपणको सफलता दरलाई अन्यत्र पनि लागू गरिने प्रतिबद्धता व्यक्त गरे । सम्मेलनमा मस्तिष्क मृत्यु भएपछि दिइने अंगदानमा दाता तथा ग्रहणकर्ताको प्रतिक्षा सुचि सहितको राष्ट्रिय अभिलेख समेटिएको 'एप' पनि लञ्च गरिएको छ । उक्त एपमा अंगदानसम्बन्धी अनलाइन फारम भर्न सकिने, अंग फेल भएका बिरामीहरुको विवरण र मस्तिष्क मृत्यु भएका व्यक्तिबाट प्राप्त अंग प्रत्यारोपण नियमावलीमा भएबमोजिम वितरण गर्न स्वचालित प्रणालीबाट निर्णय हुने व्यवस्था मिलाइएको छ ।  

सम्मेलनमा मस्तिष्क मृत्युपश्चात् हुने अंगदान र प्रत्यारोपणको विकासका बारेमा विशेषज्ञहरुबीच अनुभव साटासाट पनि भएको थियो । ‘अंग प्रत्यारोपण स्वास्थ्य क्षेत्रकै लागि नयाँ चुनौती हो संसारमै’ सम्मेलनको आयोजक समितिका अध्यक्ष डा. पुकारचन्द्र श्रेष्ठले भने, ‘प्राविधिक कठिनाइदेखि कानुनी शून्यताको अवस्था धेरै मुलुकमा छ, यसलाई कसरी हल गर्न सकिन्छ भन्ने समाधानका लागि सम्मेलनले ठूलो सहयोग पुर्‍याएको छ ।’