फाइजर खोपका लागि घोलक आइपुग्यो, सिरिञ्ज मंगलबार आइपुग्‍ने 

महाशाखा अन्तर्गतको आपूर्ति शाखाका वरिष्ठ फार्मेसी अधिकृत बडेबाबु थापाले बुधबार घोलक आइपुगेको बताए । उनले भने–‘मंगलबारसम्म सिरिञ्ज पनि आइपुग्नेछ र स्थगित खोप अभियान सुरु हुनेछ ।’ फाइजर खोपका लागि ०.३ एमएल सिरिञ्जको आवश्यकता पर्छ ।

सरकारले ८ जिल्लामा पुस १३ गतेदेखि २२ गतेसम्म १२ देखि १७ वर्षका बालबालिकालाई फाइजर खोप लगाइने जनाएको थियो । ६ लाख ६४ हजार ५६० मात्रा खोप आएपनि समयमा घोलक र सिरिञ्ज नआएपछि खोप अभियान स्थगन हुन पुगेको थियो ।