बाह्रकिलोका टहरा हटाउन ओखले पाखा सामुदायिक वन उपभोक्ता समूहले असार ७ गते १३ गतेसम्मको समयसीमा तोक्दै अतिक्रमित क्षेत्र खाली गर्न निर्देशन दिएको थियो। यसअघि स्थानीयले अटेरी गरेका थिए। अघिल्लो बुधबार पुनः डिभिजन वन कार्यालय गोरखाले असार ३० गतेभित्र संरचना हटाउन निर्देशन दिएको हो। कार्यालयले दिएको समयसीमामा भने स्थानीय आफैं अतिक्रमित क्षेत्रका संरचना हटाउन अग्रसर बनेका हुन्।

वन ऐन, २०७६ बमोजिम राष्ट्रिय वन क्षेत्रमा निषेधित कार्य गरेको पाइएकाले वन क्षेत्रको जग्गा खाली गरिएको उनले बताए। बारपाक सडकको प्रवेशद्वार बाह्रकिलो बजारमा ओखले पाखा सामुदायिक वन उपभोक्ता समूहको जग्गाभित्र ३० भन्दा बढी टहरा छन्।

दुई दशकअघिबाट बाह्रकिलोको वन क्षेत्रको जग्गामा पक्की संरचना निर्माण गरी पसल व्यवसाय सञ्चालन हुँदै आएको छ। बाह्रकिलो बजारमा वन क्षेत्र मिचेर बनाइएको पक्की संरचना भने २०७३ सालमा पनि हटाइएको थियो। तत्कालीन समयमा पक्की संरचना हटाइए पनि पुनः टहरा बनाएर बाह्रकिलोमा पसल व्यवसाय सञ्चालन हुँदै आएको छ।