गोरखा — धार्चे गाउँपालिकाको प्रशासकीय भवन निर्माणको काम अलपत्र परेको छ । सम्झौता अवधिभित्र काम नगरेको ठेकेदार कम्पनी विकोई–हेमन्त जेभीले तीन पटकसम्म म्याद थप हुादा पनि निर्माण पूरा गर्न सकेको छैन । धार्चे–५ माछाखोलामा प्रशासकीय भवन निर्माणको काम सुरु भएको थियो । 

एक वर्षयता निर्माण कम्पनीका प्रतिनिधिनै निर्माणस्थलमा नआएको धार्चे गाउापालिकाका प्रमुख प्रशासकीय अधिकृत बुद्धिराम वस्नेतले बताए । ‘१५ दिनभित्र काम गर्ने स्पष्ट कारणसहित आउन सार्वजनिक सूचना जारी गरेका छौं,’ उनले भने,‘यसअघि पटक/पटक ताकेता गर्दा पनि काम हुन सकेन, भवन निर्माण अलपत्र छ, पछिल्लो समय एक वर्षदेखि ठेकेदार कम्पनीका कामदार फिल्डमा पनि छैनन् ।’

२०७८ वैशाख ५ मा ठेक्का सम्झौता गर्दै धार्चेको प्रशासकीय भवन निर्माणको जिम्मा विकोइ–हेमन्त जेभी चितवनले लिएको थियो । २०७९ माघ २९ भित्रै निर्माण सम्पन्न गर्ने गरी ठेक्का सम्झौता भएको भवनको निर्माण तेस्रो पटक म्याद थप हुादा सम्म अलपत्र अवस्थामा छ । समयमै निर्माण सम्पन्न नभएपछि २०८० फागुन २९ मा सक्ने गरी पहिलो पटक, २०८१ फागुन २९ मा सक्ने गरी दोस्रो पटक र २०८२ फागुन २९ मा सक्ने गरी तेस्रो पटक म्याद थप भएको थियो । म्याद थप भएको अवधिमा पनि भवन निर्माणको कुनै पनि कार्य नभएको गाउँपालिकाले जनाएको छ ।