जिल्लामा साउनयता १४ जनामा यो रोगको संक्रमण देखिएकोमा ६ जनाको मृत्यु भएको जनस्वास्थ्य कार्यालय नवलपुरका प्रमुख केशव चापागाईले बताए ।
नवलपुर — मुलुकभरमै पूर्वी नवलपरासीमा जापानिज इन्सेफलाइटिस संक्रमण बढी पाइएपछि फागुन २९ देखि जिल्लाभरी जापानिज ईन्सेफलाइटिसबिरुद्धको निःशुल्क खोप अभियान संचालन भइरहेको छ ।
चालु आर्थिक वर्षमा जिल्लामा जापानिज इन्सेफलाइटिस रोगको संक्रमणबाट ६ जनाको मृत्यु भएको छ । जिल्लामा साउनयता १४ जनामा यो रोगको संक्रमण देखिएकोमा ६ जनाको मृत्यु भएको जनस्वास्थ्य कार्यालय नवलपुरका प्रमुख केशव चापागाईले बताए ।
३५ वर्षमाथिका सबैलाई वडामा रहेका आधारभूत स्वास्थ्य केन्द्र र खोप केन्द्रमार्फत धमाधम खोप लगाउने काम भइरहेको छ ।
जिल्लामा १ लाख ५० हजार जनालाई खोप लगाउने लक्ष्य रहेकोमा चैत १ सम्म २० हजार जनाले खोप पाएको प्रदेश जनस्वास्थ्य कार्यालय नवलपुरले जनाएको छ ।
जापानिज इन्सेफलाइटिस इन्फ्लून्जा संक्रमण भएको हाँस, चराचुरुंगी, संगुरबुंगुरलाई टोकेको लामखुट्टेले मानिसलाई टोकेपछि यो रोग सर्ने चिकित्सकको भनाइ छ ।
