डिभिजन वन कार्यालयले मंगलबार प्रहरी र सशस्त्र खटाएर वन क्षेत्रमा होटल व्यवसायका लागि बनाइएका ११ वटा घरटहरा भत्काएको हो ।
नवलपरासी — महेन्द्र राजमार्गको दाउन्ने पहाडमा सार्वजनिक जग्गामा निर्माण गरिएका ११ वटा घरटहरा बल प्रयोग गरेर हटाइएको छ ।
डिभिजन वन कार्यालयले मंगलबार प्रहरी र सशस्त्र खटाएर वन क्षेत्रमा होटल व्यवसायका लागि बनाइएका ११ वटा घरटहरा भत्काएको हो ।
दुम्कीबास र बर्दघाटको बीचमा रहेको दाउन्ने पहाडमा महेन्द्र राजमार्ग छेउमा निर्माण भएका घरटहरा हटाएको हो ।
कठ्यांग्रिदो चिसोमा वर्षौदेखि व्यवसाय गर्दै आएकाे घरटहरा भत्काएको भन्दै स्थानीयले बिरोध गरेका छन् । स्थानीय व्यवसायीले त्यहाँ ४७ वर्षदेखि घरटहरा निर्माण गरेर होटल व्यवसाय गर्दै आएकाे भन्दै बिरोधमा उत्रिएका छन् ।
अतिक्रमण गर्ने क्रम बढ्दै गएका कारण वनकाे जग्गामा बनाइएका घरटहरा भत्काइएको डिभिजन वन कार्यालयले जनाएको छ ।
