केही दिन अझै हिमपात हुन सक्ने सभावना रहेकाले विपद्का घटना हुन सक्ने अवस्थालाई मध्यनजर गर्दै कात्तिक १६ गतेसम्म हिमाली क्षेत्रमा पदयात्रा नगर्न जिल्ला प्रशासन कार्यालय गोरखाले आग्रह गरेको हो ।
गोरखा — कात्तिक १६ गतेसम्म मनास्लु क्षेत्रको पदयात्रा नगर्न जिल्ला प्रशासन कार्यालय गोरखाले आग्रह गरेको छ ।
सोमबारदेखि उच्च हिमाली क्षेत्रमा हिमपात भएको र केही दिन अझै हिमपात हुन सक्ने सभावना रहेकाले विपद्का घटना हुन सक्ने अवस्थालाई मध्यनजर गर्दै कात्तिक १६ गतेसम्म हिमाली क्षेत्रमा पदयात्रा नगर्न आग्रह गरिएको प्रमुख जिल्ला अधिकारी रामुराज कडरीयाले बताए । ‘अहिले पदयात्रामा रहेकाहरुलाई पनि सम्बन्धित ठाउँमै सुरक्षित ठाउँमा रहन भनेका छौँ,’ उनले भने ।
मनास्लु क्षेत्रको भ्रमणमा रहेका पर्यटकहरु फर्कन थालेका छन् । लार्केपासका लागि पुगेका पर्यटक धर्मशाला क्षेत्रबाट फर्किएको मनास्लु संरक्षण क्षेत्र(एमक्याप)का प्रमुख सन्तोष शेरचनले बताए । ‘हिउँ बढी जमेकाले लार्केपासमा पनि कठिनाइ भएपछि पर्यटक फर्कन थालेका छन्,’ उनले भने । हिउँ परेपछि स्यालाबाट पर्यटक माथिल्लो क्षेत्र नगएको उनले बताए ।
लार्केपासका लागि पुगेका ४६० जना पर्यटक सामागाउँबाट फर्किएको प्रहरीले जनाएको छ । ‘धेरैजसो पर्यटक फर्किएपनि सक्नुभएको छ,’ शेरचनले भने ।
