घटनास्थलमा जिल्ला प्रहरी कार्यालयबाट प्रहरी निरीक्षक ध्रुवप्रसाद शर्मा नेतृत्वको टोली खटिएको छ ।
गोरखा — गण्डकी गाउँपालिका–८ बर्खेघाटस्थित त्रिशूली नदी किनारमा एक महिलाको शव भेटिएको छ ।
नुवाकोट विदुर नगरपालिका–८ की ५१ वर्षीय उमादेवी भट्टको शव भेटिएको जिल्ला प्रहरी कार्यालय गोरखाका प्रहरी निरीक्षक ध्रुवप्रसाद शर्माले बताए ।
शव त्रिशूली नदीले बगाएर ल्याएको प्रहरीले जनाएको छ । घटनास्थलमा जिल्ला प्रहरी कार्यालयबाट प्रहरी निरीक्षक ध्रुवप्रसाद शर्मा नेतृत्वको टोली खटिएको छ ।
शवको पहिचान भइसकेको र घटनास्थल मुचुल्का लगायतको काम भइरहेको प्रहरीले जनाएको छ ।
