पिकनिक गएका उनलाई पौडी खेल्ने क्रममा नदीले बगाएको थियो ।
तनहुँ — तनहुँको व्यास नगरपालिका–७ दुलेँपानीस्थित मादी नदीले बगाएर शनिबार एक जना बेपत्ता भएका छन् ।
बेपत्ता हुनेमा व्यास नगरपालिका–१ अम्रेनी बस्ने ४० वर्षीय हरि परियार रहेको जिल्ला प्रहरी कार्यालयले जनाएको छ ।
बेपत्ता परियार नेपाल दूरसञ्चार प्राधिकरण दमौलीमा कार्यरत थिए । उनको खोजीकार्य भइरहेको जिल्ला प्रहरी कार्यालयका प्रहरी निरीक्षक राजु अधिकारीले जानकारी दिए । पिकनिक गएकामध्ये तीन जना मादी नदीमा पौडी खेल्न गएका थिए । पौडी खेल्ने क्रममाउनलाई पानीले बगाएको थियो ।
