पूर्वी नवलपरासीको दुम्कीबास र पश्चिम नवलपरासीको बर्दघाट बजारको बीचमा १४ किलोमिटर लामो दाउन्ने सडकमा वर्षा हुनेबित्तिकै हिलाम्मे भएर गाडी फस्ने समस्या दोहोरिरहेको छ ।
नवलपुर — वर्षापछि हिलाम्मे बनेको सडकमा गाडी फसेपछि नारायणगढ-बुटवल सडक खण्ड फेरि ठप्प भएको छ । आइतबार बिहानको वर्षापछि दाउन्नेमा गाडी फसेको र सवारीसाधन ठप्प भएको पूर्वी नवलपरासीका प्रहरी उपरीक्षक यादव ढकालले बताए । प्रहरीका अनुसार बिहान १२ बजेपछि यातायात अवरुद्ध भएको हो ।
ढकालका अनुसार दाउन्ने सडक खण्डको विश्वकर्मा मन्दिर नजिकमा मालवाहक ट्रक फसेको छ । जसले गर्दा दुईतर्फी यातायात नै ठप्प भएको हो ।
पूर्वी नवलपरासीको दुम्कीबास र पश्चिम नवलपरासीको बर्दघाट बजारको बीचमा १४ किलोमिटर लामो दाउन्ने सडकमा वर्षा हुनेबित्तिकै हिलाम्मे भएर गाडी फस्ने अनि यातायात नै ठप्प हुने समस्यो दोहोरिरहेको छ ।
चिनियाँ ठेकेदार कम्पनी चाइना स्टेट इन्जिनियरिङ कर्पोरेसनले राजमार्ग स्तरोन्नतिको काम जिम्मा लिए पनि ६ वर्षसम्म सडक स्तरोन्नति पूरा गर्न सकेको छैन ।
